Shorts Créer
اكل
2
0
0
3
الحكومة المصريّة أعلنت عن عجز في الموازنة العامّة للعام المالي ٢٠٢٣-٢٠٢٤ بقيمة ٥٠٥ مليار جنيه، وعلشان الحكومة تقدر تقلل العجز في موازنة العام المالي الحالي، اضطرت انها توافق على الخطّة الإصلاحيّة اللي فرضها صندوق النقد واللي من أهم بنودها رفع الدعم، وشوفنا الأسابيع اللي فاتت زيادة في سعر البنزين والسولار، ودلوقت الكلام كلو على الزيادة الجديدة في سعر الكهربا.
الفاتورة اللي لازم تدفعها وزارة الكهربا لوزارة البترول بتوصل ل ١٦ مليار جنيه شهريّاً، بينما ايرادات وزارة الكهربا هي ٥ مليار جنيه بس، وده معناه ان الحكومة بتدفع بشكل شهري ١١ مليار جنيه على دعم الكهربا.
بعد الزيادة الجديدة، ايرادات وزارة الكهربا متوقع انها توصل ل ١٠ مليار جنيه، وده معناه ان فاتورة الدعم هتنزل ل ٦ مليار جنيه بس، والمفروض في خلال ٤ سنين الفاتورة دي تكون صفر بحسب الخطّة الإصلاحيّة.
1
0
0
1
رز
0
0
0
1
تخيل لو قطع الكهربا بيجيب فلوس!!
يوم الجمعة اللي فات حصل عطل في الكهربا في مدينة شرورة في السعوديّة، وانقطاع الكهربا هناك استمر لأكتر من ٢٤ ساعة، بس على عكس كل مواطنين العالم السعوديين كانوا فرحانين بالقطع ده.
بحسب دليل معايير الخدمة في السعودية، لو حصل والكهربا اتقطعت، فلازم الكهربا تيجي في خلال ست ساعات، ولو حصل أي تأخير عن كدا فشركة الكهربا ملزمة انها تدفع تعويض بقيمة ٢٠٠ ريال، و٥٠ ريال عن كل ساعة قطع زيادة بعد ال ٦ ساعات.
وبحسب الصحف السعوديّة فشركة الكهربا دفعت ٢٠٠٠ ريال، ما يعادل ٢٥ الف و٦٠٠ جنيه مصري كتعويضات للمتضررين.
0
0
0
1
