وزارة الصناعة والتجارة من لحظات أعلنت عن قرار المستوردين والتجّار كانوا مستنيينو بقالهم أسابيع، وبسبب القرار، المركزي المصري أعلن عن اتاحة الدولار لكل المستوردين، بعد ما كان متاح لعدد معيّن بس بسبب تشديدات السياسة النقديّة خلال أزمة شح العملة، القرار ده المفروض يأثّر بشكل مباشر على أسعار السلع المستوردة ويخليها تنخفض، علشان هيمنع عمليات الاحتيال اللي كان بيعملها بعض المستوردين، وده من خلال زيادة سعر البضائع في الفواتير، وبالتالي بياخدو من البنك دولارات زيادة عن اللي هم محتاجينو، وده بينعكس على التاجر وبيزود أسعار السلع على المستهلكين، قرار وزارة الصناعة والتجارة صالح لمدة شهر ابتداءً من النهاردة، والقرار الجريئ ده جيه بعد ما بدأت مصر تستلم الحصيلة الدولاريّة اللي جمعتها من صفقة رأس الحكمة وقرض صندوق النقد وغيرهم.#اقتصاد_احمس #مصر #الدولار #البنك_المركزي

واحدة من أهم المؤسسات الدوليّة بتقول ان الاقتصاد المصري بدأ بالتعافي!!
أحدث دراسة لمؤسسة standard and poor's بيّنت ان حجم مبيعات الشركات في مصر ازداد في الشهر اللي فات لأول مرة من أواخر سنة ٢٠٢١، على الرغم من ان أغلب المؤشرات الاقتصاديّة لسّا بتعبر عن انكماش الاقتصاد المصري، الّا ان الانكماش في شهر يونيو بدأ يتباطئ بدل ما ما كان بيزيد بشكل متسارع، عندك معدلات الانتاج مثلاً انخفضت بأقل معدل من تلت سنين تقريباً، مع ان بنفس الشهر ده مشتريات مصر من مستلزمات الانتاج زاد لأول مرة.
مؤشرات الاقتصاد المصري على الرغم من ان فيها الإيجابي وفيها السلبي، الّا ان أداء الاقتصاد بشكل عام اتحسّن، والسبب بحسب المحللين هو استقرار سعر الصرف وان ده أهم تحدي لازم الحكومة الجديدة تتعامل معاه، خصوصاً ان سعر الصرف المستقر بيساعد القطّاع الخاص على النمو. #اقتصاد_احمس #اكسبلور #مصر #news #اقتصاد #ترند #عاجل #الدولار

هو ممكن أزمة شح العملات ترجع من تاني ؟؟
محللين اقتصاديين كبار انتقدوا الحكومة المصريّة وقالوا انها مش بتتعامل مع سعر الصرف الجنيه بشكل جدي، وقالوا ان كل العملة الصعبة اللي بتدخل مصر بتتدفع اقساط لديون قديمة، وان ده بيسبب مخاطر لسعر الصرف اللي ممكن ينهار بأي وقت.
وعلى الرغم من ان الحكومة ما علّقتش أبداً على الانتقادات دي، الّا ان المركزي المصري رد بطريقتو، من بداية شهر ابريل ٢٠٢٤ ولغاية النهاردة المركزي زوّد احتياطاتو من النقد الأجنبي ١٠ مليار دولار تقريباً، وعلى الرغم من ان مصر دفعت الشهر اللي فات أقساط ديون ب ١٧ مليار دولار، الّا ان المركزي قدر يزوّد احتياطاتو ب ٢٥٠ مليون دولار، ولو استمر أداء الاقتصاد المصري بالشكل ده ممكن تقدر الحكومة المصريّة توصل لأهدافها الطموحة لرؤية ٢٠٣٠. #اقتصاد_احمس #اكسبلور #مصر #news #اقتصاد #ترند #عاجل #الدولار

ارتفاع جديد في أسعار المحروقات خلال أيّام!!
مصادر خاصة لقناة اقتصاد أحمس أكدت ان خلال أيّام هيكون في اجتماع ل لجنة التسعير التابعة لوزارة البترول، والأكيد واللي بيتوقعوا كل المحللين تقريباً ان هيكون في زيادة في سعر البنزين والسولار خلال الاجتماع.
طيب هي الزيادة دي هتكون كام ؟
المحروقات في مصر من بعد التعويم أسعارها من الأرخص عالميّاً، ولو اللجنة هتقيّم السعر العادل للبنزين والسولار فهيكون في زيادة ١٠٠٪ على الأقل في الأسعار.
طيب هل ده معناه ان اللجنة هتعمل كده وترفع الأسعار ١٠٠٪ ؟
وزارة البترول محددّة سقف للزيادة ما ينفعش اللجنة تطلع عنو وهو ١٠٪ بس، ومصادر خاصة لينا أكدت ان اللجنة هتستخدم حق الزيادة ١٠٪ بالكامل، وان الزيادة دي هتكون بداية لسلسلة ارتفاعات كل ٣ شهور من هنا لغاية ٢٠٢٥ على الأقل. #اقتصاد_احمس #اكسبلور #مصر #news #اقتصاد #ترند #الدولار

شركات المقاطعة بتبيع كرامتها على أمل انها تزوّد مبيعاتها تاني!!
الشركات الداعمة للكيان الصهيوني بتحاول بكل الطرق انها توقف خسايرها بسبب المقاطعة، وعلشان تحقق هدفها ده وتزوّد مبيعاتها بقت تستخدم أساليب رخيصة.
شركات زي بيبسيكو وكوكاكولا مثلاً نزّلوا منتجاتهم تحت أسماء علامات تجاريّة جديدة زي تيم وقوّة جبل وغيرهم، بس يعني انا بالنسبالي ده عادي ومتقبلو، هم محروقين علشان مبيعاتهم تزيد مرة تانية، بس اللي ما عرفتش اتقبلو لا انا ولا حد غيري هو الحركة اللي عملتها KFC.
سلسلة مطاعم KFC في كندا استخدمت اسلوب من ارخص ما يمكن بصراحة، مطاعم KFC هناك طرحت منتجات حلال لأول مرة من بداية توسّعها في كندا، والمفروض بقى ان الحركة دي تورينا قد ايه المطعم بيحب المسلمين وبيهتم فيهم وده يأثر علينا ويخلينا نبطل مقاطعة، هل برأيكم هنشوف حركات أرخص من كده لسا ؟ #اقتصاد_احمس #اكسبلور #مصر #تداول #اقتصاد #تجارة #الدولار #news #مقاطعة_اسرائيل #المقاطعة

الحكومة المصريّة اتخلّت عن حلم الإكتفاء الذاتي من القمح!!
خطّة الحكومة المصريّة كانت بتستهدف تحقيق اكتفاء ذاتي من القمح بنسبة ٦٥٪ بحلول يونيو سنة ٢٠٢٥، بس من ساعات تم الإعلان عن مفاجئة تعديل الهدف ده، وان خطة الحكومة المصريّة الجديدة بتستهدف تحقيق نسبة ٥١٪ بس، زيادة من ٤٩٪ دلوقت، وهنا ييجي سؤال مهم، ليه الحكومة المصريّة غيّرت هدفها بعد ما قرّبت فعلاً من تحقيقو ؟
مصادر حكوميّة أكّدت ان التعديل ده جيه بعد الزيادة الكبيرة بالصادرات الزراعيّة المصريّة، وإن هدف الحكومة دلوقت التركيز على المحاصيل اللي بيتم تصديرها وتخصيص جزء من عوايدها لشراء (ل شرا) القمح.
على الرغم من المكاسب اللي هيحققها التعديل في الخطّة، الا ان القرار واجه انتقادات كتير، والمنتقدين شايفين ان ده بيحط مصر قدّام خطر كبير لو حصل مشكلة في سلاسل توريد القمح، خصوصاً مع استمرار الحرب الروسيّة الأوكرانيّة. #اقتصاد_احمس #اكسبلور #مصر #news #اقتصاد #تداول #تجارة #عاجل