👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------------

تسوق الكتب ومعدات التصوير في متجري على أمازون
https://amzn.to/2zRvv8i

----------

سنة 1955 تم نشر مقال على الإيكونوميست
لشخص إسمه Northcote Parkinson
المقال كان بينتقد بشكل ساخر الوقت الطويل اللي بتستغرقه
المشاريع الحكومية عشان تتنفذ.

في فقرة من فقرات المقال باركنسون قال الأتي:
It is a commonplace observation that work expands so as to fill the time available for its completion.

من المُلاحظ بوضوح أن أي عمل يتمدد حتى يملأ الوقت المتاح للإنتهاء منه

بمعنى .. إن معظم الناس بتستهلك كل الوقت المتاح لعمل مشروع أو مهمة معينة حتى لو كان المشروع أو المهمة دي يمكن إنجازه في وقت أقل بكثير.

الناس عجبتهم الجملة دي وبدأوا في تداولها تحت اسم "قانون باركنسون".

قانون باركنسون واقع في حياة معظمنا للأسف
وعشان كده معظم المشاريع والمهام دايماً بتخلص على نهاية الوقت المتاح ليها بالظبط.

وعشان كده بيقولوا لولا الديدلاين مكانش في شغل هيخلص
If it weren’t for deadlines, nothing would get done

لما الوقت المتاح بيكون قليل بنضغط نفسنا ونحاول نركز على الأمور المهمة ونحاول ننجزها بسرعة ..
ولما الوقت المتاح بيكون كبير غالباً بنقع فريسة للتسويف والتأجيل والإهتمام الزائد بتفاصيل فرعية غير مهمة.

السؤال المهم هنا .. إزاي نقدر نستفيد من قانون باركنسون؟

إنت تقدر تستفيد من قانون باركنسون عشان تزود إنتاجيتك
بإنك تقلل الوقت المتاح للإنتهاء من مشروع أو مهمة معينة!

إزاي؟!

لو الوقت المتاح ليك للإنتهاء من عمل معين هو أسبوع ..
اسأل نفسك إيه اللي يمنع إنك تحاول تنجز العمل ده في يوم واحد!!

أنا عارف إنك هتقول ..إزاي يوم واحد أعمل فيه شغل أسبوع؟!

حاول تتعامل مع الموضوع على إنه لعبة .. تحدي بينك وبين نفسك

افتكر أنك لو سوفت وضيعت الوقت ومبقاش باقي غير يوم واحد
فانت هتضغط نفسك وهتعمل شغل اسبوع في يوم واحد!

خليك فاكر إن الوقت الجديد اللي انت هتحطه ده هيبقى بينك وبين نفسك ..
إنت مش ملزم بيه قدام حد.

حتى لو مقدرتش تخلص الشغل في يوم واحد
فانت غالباً هتكون أنجزت منه قدر أكبر بكتير من اللي كنت هتنجزه
لو ما ألزمتش نفسك بالوقت القليل

ويا سيدي لو في النهاية خلصت الشغل في يومين أو تلاته اوأربعه
فده أفضل بكتير من أنه ياخد منك اسبوع.

الوقت الإضافي اللي كسبته ده تقدر تستغله في العمل على مشروع تاني
أو تعلم مهارة جديدة وبالتالي مقدار إنتاجيتك هيتضاعف.
أو حتى لو هتقضيه في تسلية فهتقضيه بمزاج رايق مش مُحمل بهم العمل


طبعاً الكلام ده سهل تتقبله لو بتشتغل على مشروع شخصي ليك .. زيادة إنتاجيتك فيه هتعود عليك بشكل واضح.

لكن لو إنت شغال في شركة .. مش هيكون عندك دافع قوي تعمل حاجة زي كده لأن معظم الشركات مش بتقدر للأسف
وهتقول لنفسك كده كده هتاخد نفس المرتب أخر الشهر فمفيش داعي الواحد يضغط نفسه وينجز الشغل في وقت أقل.

الحقيقة لاً ..
لو انت شغال في شركة مش بتقدر حاول برضه تنجز الشغل قبل ميعاده .
.بس مش لازم تسلمه قبل ميعاده!

يعني إيه ..

لو انت خايف إن تسليمك الشغل قبل ميعاده ممكن يجيب تأثير عكسي عليك ويخلي الإدارة تتعود على كده بدون ما تكافئك على الإنجاز يبقى خلاص .. حاول تخلص الشغل بدري لكن ماتسلموش إلا في الميعاد المتفق عليه .. وحاول تستغل الوقت الإضافي اللي انت قدرت توفره في حاجة فيها منفعة ليك بشكل مباشر زي تعلم مهارات جديدة .. أو أي حاجة من الحاجات اللي انت منتظر يكون عندك وقت عشان تعملها!


خليك فاكر إننا لم بنتأخر في إنجاز الشغل وميعاد التسليم يقرب بنقدر نضغط نفسنا تحت تأثير حافز الخوف وننجز قدر كبير من الشغل في وقت قصير .. بمعنى إننا قادرين على الإنجاز الكبير في وقت قصير .. فليه ما نعملش ده بدافع المكسب بدل ما بنعمله بدافع الخوف من الخسارة!

أتمنى تكونوا استفدتم .. أشوفكم في فيديو جديد قريباً .. سلام عليكم