👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------
تسوق الكتب ومعدات التصوير في صفحتي على أمازون
https://amzn.to/2zRvv8i

----------

مُصطلح عقل القرد Monkey Mind
مجرد تشبيه لحالة إدمان التشتُت اللي أصبح معظمنا مُصاب بيها في الزمن ده ..
التنقل بين تبويبات المتصفح الكتير المفتوحة .. بين تطبيقات السوشيال ميديا عالموبايل ..
بين فيديوهات يوتيوب .. وكأن العقل أصبح قرد بيقفز من شجرة لشجرة ومش قادر يثبت على شجرة واحدة وقت كافي.


للأسف التركيز في الزمن ده صعب جداً لو مكنتش واعي بنفسك وبوقتك ..
كل الشركات والمواقع والإعلانات عايز تخطف تركيزك ليها ..
عندهم فرق متخصصة لدراسة نفسية المُستهلك ومحاولة الإستحواذ على وقته وتركيزه لصالحهم ..
إحنا فعلياً بيتم تدريبنا وتربيتنا على التشتت!

في ناس ممكن تكون وقفت الفيديو ده وراحت تشوف حاجة تانية عالفيسبوك أو واتساب :)
--------------------------
محتاجين قبل ما نعرف حل المشكلة نعرف حجمها الحقيقي!
--------------------------
عُمرك بيضيع! ..
دي الحقيقة اللي البعض مش مستوعبها!
ناس كتير مش بتربط بين الساعات والدقايق بتاعة اليوم وبين العُمر ككل ..

دقات قلب المرء قائلة له .. إن الحياة دقائق وثواني
قلبك هيدق عدد مرات محدود خلال حياتك .. العدد ده بيقل كل ثانية
مش كل سنة ولا كل شهر !

لو لقيت نفسك بتسأل "اليوم راح فين؟" ..
"الشهر راح فين؟" .. " السنة راحت فين؟" ..
فده لإنك غالباً ضيعت الوقت في التنطيط بين حاجات كتير مش مهمة
بدل من التركيز على شيء واحد يكون له عائد واضح.


لو قريت كتابين خلال الشهر أو أنجزت فيه مشروع مهم مش هتسأل الشهر راح فين بأسى ..
هتبقى عارف الشهر راح فين!


مش هتقدر تنجز حاجة مهمة في الحياة بدون القدرة على التركيز لفترة طويلة على شيء واحد فقط.


مُخك هيقاوم التركيز في البداية لأنه بيستهلك طاقة ذهنية كبيرة .. لكنه هيشكرك في النهاية على نشوة الإنجاز ..

الإنجازات المهمة هتخلي لحياتك قيمة وهتخليك مبسوط أكترعالمدى البعيد ..


المُشتتات زي المُسكرات ..
بتديك متعة مؤقتة لكنها بتورِّث الإكتئاب والحزن بعدين.


كل حاجة بتقضي فيها وقت
كأنك بتبيع جزء من عمرك مقابل العائد اللي هتحصل عليه من الحاجة دي ..
ما تبعش عمرك مقابل أشياء رخيصة!


محدش هيقدر يركز على حاجة مهمة طول الوقت ..
الراحة والتسلية مُهمة ومطلوبة بشكل دوري ..
بس الواحد بيرتاح بعد ما ينجز .. مش بدل ما ينجز!
-----------------------
طيب .. والحل ؟
إزاي تدرب نفسك على التركيز؟
----------------------
أولاً .. إنك تعرف حجم المشكلة
وده اللي حاولت أوضحهولك في الجزء الي فات من الفيديو ..
لازم يكون عندك دافع قوي للسعي وراء التركيز ..
دافع يقدر يجذبك ليه كل ما المُشتتات تخطفك وتتوهك شوية..
الدافع إن عمرك أغلى من تضييعه في مُشتتات مش مهمة ..
عشان ما تختمش حياتك بندم وحزن واكتئاب على ضياعه ..
خصوصاً إنك هتتسأل عنه يوم القيامة!


ثانياً ..
لازم يكون عند هدف واحد واضح لكل يوم وكل شهر وكل سنة ..
لو معندكش رؤية واضحة انت عاوز تحقق إيه بالظبط
طبيعي جداً تتشت بين 100 حاجة.

اسأل نفسك
إيه أهم حاجة المفروض تعملها النهاردة
إيه أهم حاجة المفروض تنجزها خلال الشهر الحالي
إيه أهم حاجة المفروض تنجزها خلال السنة الحالية

لازم يكون عندك إجابات وضحة محددة للأسئلة دي


ثالثاً .. تدريب التركيز
أنصحك تحاول يومياً تعمل التدريب ده مرة واحدة عالأقل


خطوات التدريب
1- أختار مهمة معينة أو شيء واحد عاوز تنجزه خلال اليوم
2 - أظبط تايمر الموبايل لمدة ربع ساعة
3 - خلال الربع ساعة دي أمامك خيارين:
الأول .. إنك تشتغل على المهمة أو الشيء المعين ده لحين انتهاء الربع ساعة.
الثاني .. إنك لو مش قادر تشتغل عالمهمة ..
ما تعملش أي حاجة تاني غير إنك تراقب أفكارك وأحاسيسك لحين انتهاء الربع ساعة ..
حاول تسأل نفسك أسئلة زي .. ليه أنا مش قادر اشتغل ..
هل المهمة صعبة لدرجة أني مش قادر حتى أحاول فيها؟ ..
هل في أسباب تانية غير المهمة نفسها؟ ..
أنا حاسس بإيه دلوقت؟ .. قلق .. خوف .. ملل؟ ..وليه ؟

التدريب ده إما أنه هيخليك تركز في الشغل المطلوب
أو يزيد وعيك بنفسك وأسباب تشتتك ومماطلتك في تنفيذ الشغل
وده هيساعدك عالمدى البعيد ..
لما تعرف مخاوفك حاول تتحداها.


مع الوقت تقدر تزود الوقت - الربع ساعة - أو عدد المرات ..
وماتستعجلش النتائج!
التشتت عند معظنا أصبح عادة مترسخة
وهتاخد وقت على ما تقدر تتخلص منها
أو توصل لنسبة صحية بين التركيز والتشتيت في حياتك.


هياخد وقت بس الموضوع يستاهل
لأن حياتك تستاهل ..