👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------------
تسوق الكتب ومعدات التصوير في متجري على أمازون
https://amzn.to/2zRvv8i

---------------------------------------------
بعض عناصر الجرافيك المستخدمة تم تحميلها من المواقع التالية
flaticon.com
freepik.com
----------
لو افترضنا إنك مستثمر في 3 مشاريع
الأول مستثمر فيه بـ 10 ألاف .. الثاني 50 ألف .. التالت 100 ألف
ولو افترضنا إنك مضطر تحتفظ بمشروع واحد بس منهم وتضحي بالإتنين التانيين .. هتحتفظ بأي مشروع من التلاتة؟

معظم الناس هيختاروا المشروع التالت
من غير ما يسألوا أي أسئلة عن المشاريع
الخوف من الخسارة الكبيرة
هتخليه يتجاهل أي مشروع فيهم فرصته في النجاح أكبر
وهيسعده العمل فيه أكتر

الإنسان بطبعه بيتحرك بدافع الخوف من الخسارة
أكتر من دافع الرغبة في الإنجاز والربح
وده بيوقع معظمنا في مغالطة منطقية مشهورة باسم
مغالطة التكلفة الغارقة Sunk Cost Fallacy

المغالطة هي إن البشر بياخدوا قرارات مستقبلية بناء على خوفهم من خسارة استثماراتهم السابقة ( مال - جهد - وقت) حتى وإن كانت الإستثمارات دي ملهاش تأثير على النتيجة المستقبلية!
--------
خلينا نعرض بعض الأمثلة عشان المعنى يتضح أكتر
--------
- حضرتك اشتركت في كورس ودفعت فلوسه ..
بعد كام محاضرة اكتشفت إن الكورس مش مناسب ليك ومش هيفيدك ..
لكنك قررت تكمل على أي حال بما إنك دفعت الفلوس بالفعل! ..
قررت تستمر في خسارة وقت ومجهود ممكن تستغلهم في حاجة مناسبة ليك وتفيدك!
خوفك من خسارة استثمارتك السابقة دفعك لمزيد من الخسارة!

مثال تاني
-حضرتك فتحت مشروع واستثمرت فيه الوقت والمال ..
بعد فترة اكتشفت إن المشروع مالوش فرصة في النجاح
فبدل ما تصفي المشروع عشان تقلل خسارتك وتكتفي بالخبرة المكتسبة
قررت إنك تستمر في الاستثمار في المشروع
وضخ المال والوقت في مشروع فاشل
لأنك مش قادر تتقبل إن استثماراتك السابقة هتروح عليك! ..
فتخسر أكتر واكتر!

مثال تالت


- حضرتك خطبت أو اتخطبتي ..
بعد فترة اكتشفتوا إن الطرف التاني غير مناسب ..
لكن مع ذلك تكملوا الجوازة بما إنكم استثمرتوا وقت وفلوس ومشاعر في الموضوع الخوف من خسارة شهور في الماضي
يخليكم تخسروا باقي سنين عمركم في المستقبل!
----------
بالمناسبة بعض شركات الألعاب بتلعب على نفسية اللاعبين بالمغالطة دي
لو لعبت أي لعبة من اللي بتبني فيهم مدينة / مزرعة / جيش ..
اللعبة بتديك إمكانية في الأول تكبر جيشك أو مزرعتك بسرعة ..
تخليك تستثمر من وقتك في تصميم الكيان الافتراضي ده ..
وبالتالي تستمر في اللعب خوفاً على مدينتك أو مزرعتك الإفتراضية اللي تعبت في بناءها ..
الشركة تستمر في جني الأرباح وانت تستمر في خسارة الوقت!
---------
طيب … والحل؟
إزاي تتجنب الوقوع في المغالطة دي؟
إمتى نعرف إذا كان الصح إننا نكمل .. وإمتى يكون الصح إننا مانكملش
---------
في نقطتين ممكن يساعدوك تعرف

الأولى .. لما تيجي للنقطة اللي تقرر فيها تكمل أو متكملش
اسأل نفسك .. لو مكنتش استثمرت في الموضوع
(وقت أو مجهود أو فلوس)
ولسه هتدخل فيه من البداية .. كنت هتدخل ولا لأ؟
لو لأ .. يبقى الأقرب للصح إنك ما تكملش!

النقطة الثانية .. اسأل نفسك ..
هل لو كملت .. في حاجة في " إيدك انت" تقدر تعملها
بحيث تمنع استمرار الخسارة أو تعوضك عن الخسارة السابقة.
محتاج هنا تكون صادق مع نفسك وواقعي .. سهل جداً تخدع نفسك بأحلام وأوهام .. لو في فرصة حقيقية .. حاول وكمل .. لو مفييش .. ماتكملش!

أتمنى يكون الفيديو مفيد ..
أشوفكم مع فيديو جديد قريباً
السلام عليكم