كل كام يوم هتسمع عن ان في عصابة تزوير عملة اتمسكت، ومهما الحكومات مسكت عصابات، دايماً في عصابات جديدة وعندها ابتكارات وطرق جديدة بتطلع. أكتر عملة بيتم تزويرها في العالم هي الدولار الأمريكي، ويقدر حجم الدولارات المزورة ب ٣ مليار دولار سنويّاً بحسب بعض المصادر، وانتشر من سنتين ملايين الدولارات المتزوّرة في مصر، وكان في عدد كبير من قضايا تزوير العملة في ٢٠٢٢ مقارنةً بسنين تانية، وده زي ما تقولو كده كان مصدر الهام للناس اللي بتشتغل في الجريمة، وبدأت الناس دي انها تزوّر جنيهات بدال الدولارات، وفعلاً من ساعتها بدأ ينتشر في الأسواق عملات مزوّرة يمكن انت وقعت ضحيّة واحدة منهم، وعلشان الموضوع اتفضح والناس بقت تدقق أكتر في الفلوس، العصابات بدأت تشتغل بطريقة مبتكرة وهي تزوير العملات الصغيّرة، يعني مثلاً تزوير ٥ جنيه وكحتها بأي نوع من المعدن، وده هيخلي شكلها قديم ومتبهدل ومحدش هيشك فيها.هل وقعت ضحيّة لتزوير العملة قبل كده ؟

1

0

0

1

امبارح قدّمت الحكومة المصريّة برئاسة مصطفى مدبولي استقالتها بشكل رسمي للرئيس السيسي، وده بيحطنا قدّام سؤال مهم، ليه الحكومة المصريّة استقالت وليه الوقت ده بالذات ؟ انتشرت في الساعات اللي بعد استقالة الحكومة شائعات كتير عن الموضوع، ناس قالت ان اللي حصل ده بسبب أعضاء مجلس النواب اللي ضغطو على الحكومة بسبب قراراتها، وناس تانية قالت ان في تهم فساد الحكومة بتهرب منها، وكل واحد بقى بيفتي لوحدو ويختار سبب.أما السبب الحقيقي لاستقالة الحكومة هو ان السيسي بدأ ولاية جديدة، وبحسب المادة ١٤٦ من الدستور المصري فلازم في الولاية الجديدة يتشكّل حكومة جديدة، وبيفضل في شويّة خلاف عن وقت صدور القرار، المحللين شايفين ان الحكومة استنت قرار تخفيف الدعم والإعلان عن الخطّة الكاملة لرفع الدعم قبل الاستقالة، وده علشان الحكومة تمتص موجة الغضب قبل إعلان استقالتها وتشكيل حكومة جديدة.

0

0

0

1

وزارة الصناعة والتجارة من لحظات أعلنت عن قرار المستوردين والتجّار كانوا مستنيينو بقالهم أسابيع، وبسبب القرار، المركزي المصري أعلن عن اتاحة الدولار لكل المستوردين، بعد ما كان متاح لعدد معيّن بس بسبب تشديدات السياسة النقديّة خلال أزمة شح العملة، القرار ده المفروض يأثّر بشكل مباشر على أسعار السلع المستوردة ويخليها تنخفض، علشان هيمنع عمليات الاحتيال اللي كان بيعملها بعض المستوردين، وده من خلال زيادة سعر البضائع في الفواتير، وبالتالي بياخدو من البنك دولارات زيادة عن اللي هم محتاجينو، وده بينعكس على التاجر وبيزود أسعار السلع على المستهلكين، قرار وزارة الصناعة والتجارة صالح لمدة شهر ابتداءً من النهاردة، والقرار الجريئ ده جيه بعد ما بدأت مصر تستلم الحصيلة الدولاريّة اللي جمعتها من صفقة رأس الحكمة وقرض صندوق النقد وغيرهم.#اقتصاد_احمس #مصر #الدولار #البنك_المركزي

0

0

0

1