الحكومة المصريّة في شهر يونيو الحالي هتستلم ٨٥٠ مليون دولار من صفقة صندوق النقد، هل يا ترى ده هينعكس على قيمة الجنيه ؟
لجنة صندوق النقد الدولي موجودة في مصر دلوقت علشان المراجع التالتة، وخلال الشهر ده وبعد المراجعة هيتم الإعلان عن تسليم مصر ٨٥٠ مليون دولار من قرض صندوق النقد، وبعدها كل ٣ شهور تقريباً مصر هتستلم ١.٣ مليار دولار من قيمة القرض، وهنا ييجي السؤال المهم، هل الفلوس دي هتعزز قيمة الجنيه ولّا لأ ؟
ببساطة واختصار قرض صندوق النقد مش هيفيد اقتصاد مصر في حاجة،
علشان قيمة قرض صندوق النقد هي تقريباً نفس قيمة الفلوس اللي مستلفاها مصر من الصندوق قبل كده، يعني القرض ابو ٨ مليار رايح زي ما هو للصندوق تاني، ومصر أساساً خادت القرض علشان تقدر تسدد للصندوق ديونو المستحقّة، والصندوق وافق علشان هياخد فوايد جديدة، خصوصاً ان الصندوق ضامن ان اقتصاد مصر هيتعافى والفلوس مش هتروح عليه.

0

0

0

1

امبارح أعلنت شركة طيران الإمارات واللي تعتبر واحدة من أهم شركات الطيران على مستوى العالم، عن برنامج لتحديث اسطولها من الطيارات بلغت قيمتو ٣ مليار دولار، هدف الشركة من الاستثمارات والبرنامج الجديد هو تطوير الطائرات وإضافة أحدث أنواع التكنلوجيا، وده يخلينا نسأل سؤال، ليه الشركة مهتمة بتطوير طائرتها بمبلغ كبير زي ده بدل ما تكبّر اسطولها ؟
الإمارات عملت صفقات مع شركات الطيران الشهيرة وعلى رأسهم شركة "بوينغ" لاستيراد اسطول من مئات الطائرات، الصفقات دي كان المفروض تتسلم في سنة ٢٠٢٠، بس بسبب وباء كورونا والحروب والأزمات الاقتصاديّة الصفقات دي اتأخرت بالتسليم، ودلوقت الشركات المفروض تبدأ بتسليم الطائرات الجديدة للإمارات، وده اللي خلّى شركة طيران الإمارات تركّز على تطوير اسطولها بدل ما تشتري طيّارات جديدة.

0

0

0

2

وزارة الصناعة والتجارة من لحظات أعلنت عن قرار المستوردين والتجّار كانوا مستنيينو بقالهم أسابيع، وبسبب القرار، المركزي المصري أعلن عن اتاحة الدولار لكل المستوردين، بعد ما كان متاح لعدد معيّن بس بسبب تشديدات السياسة النقديّة خلال أزمة شح العملة، القرار ده المفروض يأثّر بشكل مباشر على أسعار السلع المستوردة ويخليها تنخفض، علشان هيمنع عمليات الاحتيال اللي كان بيعملها بعض المستوردين، وده من خلال زيادة سعر البضائع في الفواتير، وبالتالي بياخدو من البنك دولارات زيادة عن اللي هم محتاجينو، وده بينعكس على التاجر وبيزود أسعار السلع على المستهلكين، قرار وزارة الصناعة والتجارة صالح لمدة شهر ابتداءً من النهاردة، والقرار الجريئ ده جيه بعد ما بدأت مصر تستلم الحصيلة الدولاريّة اللي جمعتها من صفقة رأس الحكمة وقرض صندوق النقد وغيرهم.#اقتصاد_احمس #مصر #الدولار #البنك_المركزي

0

0

0

1